Тэмцээнд 15 сум, байгууллагын эрэгтэй 14, эмэгтэй 5 багийн нийт 200 гаруй баг тамирчид оролцон хурд хүч, авхаалж самбаагаа сорин өрсөлдөж байна.
Нээлтийн ажиллагаанд Дундговь аймгийн Волейболын холбооны ерөнхийлөгч, “Шинэ сум” төслийн санаачлагч Р.Эрдэнэбүрэн, аймгийн Засаг даргын орлогч М.Анхбаяр, Биеийн тамир, спортын газрын дарга А.Отгонбаатар, аймгийн Волейболын холбооны удирдах зөвлөлийн гишүүн, “Үлэмжийн гоёл” ХХК-ийн захирал Б.Мөнх-Оргил нар оролцож, тамирчдад баяр хүргэн, амжилт хүсэв.
Түүнчлэн энэ үеэр Дундговь аймгийн Волейболын холбооны ерөнхийлөгч Р.Эрдэнэбүрэн цаашид аймгийн волейболын спортоор хичээллэгч хүүхэд залуусыг бодитоор дэмжин, холбоодыг идэвхжүүлэн, тэмцээн уралдааныг чансаа өндөр болгох боломж байгааг онцолсон юм.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.